केळघर : - येथील जय दुर्गामाता नवराञ उत्सवात विविध धार्मिक कार्यक्रमाबरोबर समाज विधायक उपक्रम राबवत साजरा करण्यात आला .
शारदीय नवरात्रौत्सवात दररोज सकाळ - संध्याकाळ महाआरती , होमहवन , पूजा - आर्जा यासह रास दांडिया , मंगळ गौर यासह पारंपारिक खेळ, शालेय मुलांचे विविध गुणदर्शन कार्यक्रम यावेळी घेण्यात आले . भजन , भारुड , पोवाडे यासारखे पारंपारिक कला जोपासणारे कार्यक्रम घेण्यात आले . यावेळी ब्लॅड बँकेच्या सहकार्याने घेण्यात आलेल्या रक्तदान शिबीरास महिलांनीही उस्फूर्त सहभाग नोंदवला यावेळी ४५ रक्तदात्यासह ११ नवदुर्गांनीही रक्तदान केले. नवदुर्गाही या समाज विधायक कार्यक्रम मागे नसल्याचे दाखवून दिले . यावेळी रक्तदात्यांना भेट वस्तु देण्यात आल्या .अशी माहिती जय दुर्गामाता नवराञ मंडळाचे मार्गदर्शक बबनराव बेलोशे,अध्यक्ष आनंदा बिरामणे, उपाध्यक्ष सुनिल बेलोशे यांनी सांगितले .
दुर्गाष्टमी दिवशी होमहवन करत महाप्रसादाचे आयोजन करण्यात आले होते .यावेळी यावेळी विविध क्षेत्रातील मान्यवर उपस्थित होते . दहा दिवस चाललेला हा शारदीय नवरात्रौत्सव यशस्वी करण्यासाठी मंडळाचे पदाधिकारी, सभासद , महिला वर्ग यांनी परिश्रम घेतले .
