ग्रामीण भागातील विद्यार्थ्याच्या कलागुणांना वाव देत , त्यांना स्पर्धात्मक परिक्षेत चांगले यश मिळविण्यासाठी बापु फौंडेशनच्यावतीने सातत्याने प्रेरणादायी उपक्रम राबविले जातील .याचा लाभ विद्यार्थांनी घ्यावा . असे आवाहन बापू फौंडेशनच्या अध्यक्षा डाॅ शितल गोळे -आडके यांनी केले .सह्याद्री माध्यमिक विद्यालय दिवदेव मार्ली ता. जावली या विद्यालयामध्ये कै . श्री . साहेबराव रामचंद्र गोळे यांच्या स्मरणार्थ बापू फौंडेशनच्यावतीने गुणवंत विद्यार्थ्यांचा सत्कार सोहळ्याचे आयोजन करण्यात आले होते . यावेळी प्रतापगड एज्युकेशन सोसायटीचे खजिनदार अंकुश धनावडे , बापू फौंडेशनच्या अध्यक्षा डॉ . शितल गोळे - आडके , सुनिल धनावडे ,मार्ली गावचे माजी सरपंच रामचंद्र गोळे ,दिवदेव गावचे ग्रामस्थ जी .डी .जुनघरे आदि उपस्थित होते . यावेळी इयत्ता आठवी ते दहावी प्रथम, द्वितीय, तृतीय आलेल्या विद्यार्थ्यांना रोख रक्कम प्रमाणपञ व शालोपयोगी साहित्य देण्यात आले .ग्रामीण भागातील विद्यार्थ्यांना प्रोत्साहन मिळण्यासाठी या कार्यक्रमाचे आयोजन करण्यात आले होते . असे मुख्याध्यापक सुनिल धनावडे यांनी सांगितले . यावेळी अंकुश धनावडे , रामचंद्र गोळे , जी .डी .जुनघरे यांनी मार्गदर्शन केले . फौंडेशनच्या अध्यक्षा डाॅ शितल गोळे आडके यांनी फौंडेशनचा उद्देश आणि विद्यार्थांना प्रेरणादायी असे मार्गदर्शन केले .विद्यालयाच्यावतीने मान्यवरांचा सत्कार करण्यात आला.कार्यक्रमाचे सुञसंचलन रांजणे सर यांनी केले . तर आभार प्रशांत शेटे यांनी मानले . यावेळी परिसरातील सरपंच , उपसरपंच ,पोलिस पाटील ,विविध मंडळाचे पदाधिकारी ,शाळा व्यवस्थापन समितीचे अध्यक्ष , सदस्य, ग्रामस्थ, पालक उपस्थित होते .फोटो - मार्ली - गुणवंत विद्यार्थ्यांचा सत्कार करताना डॉ .शितल गोळे - आडके , अंकुश धनावडे , सुनिल धनावडे , रामचंद्र गोळे आदि .